حبيبي جميل ... و صوتة عليل

حبيبي جميل ... و صوتة عليل

بحبة وجوة
فى قلبى الدليل
بموت فى أبتسامتة..و صوتة و ملامحة
و لضحكة عيونة
قلبى يميل
عيونة الجميلة ..بلون ألف ليلة
أدور وأوصف
فى قلبة النبيل
مسامح و راضى .. مفيش أعتراضى
و لا منة أبداً
قلبى يشيل
حبيبى مقطقط.. صغنطط مزأطط
يصوصو فيفتح
فى قلبى سبيل
سبيل لفرحة.. و سكة لضحكة
طريق أبتسامة
فى قلبى طويل
دا سمسم مسمسم ..فى قلبى يقسم
لحن المشاعر

بصوتة الجميل
م الجامعة لفاروق .. يارب ما أفوق
يارب الطريق يطول يطول
و يبقى طويل
حبيبى بحبك ..هاعيش جوا قلبك
وأبدا حبيبى
لاأنوى الرحيل
غصب و أقتدار .. و أحاول الأنتحار
لو قال عنى قلبك

دا ضيف تقيل
يا رقة يا هادى.. يا فوق أعتيادى
دا حبك بيهرى
فى جسمى النحيل